شباب شنو رايكم بالشغل بالقطاع الخاص

بس لا تنسون توضحون لي سبب وجهة نظركم

الشغل بالقطاع الخاص حلو و مو حلو

يعني في مميزات و عيوب

- المميزات
تواكب التطور
المعاش العدل

- العيوب
دوام طويل
شغل وايد و كرف

و من وجهة نظري اهوه زين
في حالة اذا كان يشتغل بضمير
و اذا ما يشتغل عليه السلام

يعني اختي ام يعقوب كلامه صح وما اشوف في شي غلط
يعني امش على كلام مرتك
وصير ولد عاجل
انزين بابا
سلملم

آنة أقول الخاص ويع و سؤلو مجرب

آنة أقول الخاص ويع و سؤلو مجرب

آنة أقول الخاص ويع و سؤلو مجرب

انا من وجهت نظري القطاع الخاص اللوع الجبد وحق لكويتين ماينفع لانه لكويتي مايلحق دوام قطاع الخاص لي اساعه 2 او3 العصر مته اييب اعياله مته ادري عياله يعني صج معاش وااايد بس كرف يعني تنفع حق الأجانب موحقنه ماكو على الحكومه دوام لي اساعه 1 ولا تقدر اتزرق بعد

شغلى بالمركز العلمي وايد كان حلو بس الإدارة كانت خايسة و الشفتات بعد أخيس

بس أنا من وجهة نظري

بالنسبة للدوام ألي يبي الدح ما يقول أح
تبي فرق المعاش على الفاضي

وبنسبة للأدارة هناك تثبت نفسك تترقا بيوم

وبالحكومة تثبت نفسك تييك التقارير مقبول

بالحكومة أنت دارس هندسة كمبيوتر يعينونك أمين مخزن

وبالخاص تتعين بالوظيفة المناسبة

الخاص يواكب التقدم ويطور دراستك

والحكومة يعود للتخلف ونسيك كل ألي درستة

وتعب أول العمر وشقى ويمعلك بيزتين حق الكبر

ولا ترتاح وأنت شباب ولمن تكبر مال تلقى الراحة وين صايرة

(وجهة نظر)

والله بالنسبه لي انا أخالف ام ايوب واضم صوتي حق يوسف

صحيح ان القطاع الخاص في عيب ان دوامه طويل 8 ساعات ويلوع الجبد

بس على قولة يوسف الي يبي الدح ما يقول اح

لي متى احنا الكويتيين نبي نشتغل في مكاتب طول بعرض الي يسمع يقول كل واحد فينا مدير

اكرف واشتغل شنو وراك بالله يعني اولا اذا تشجع القطاع الخاص بالنسبه للكويتيين راح تزيد نسبتنا في

القطاع الخاص هذا اول شي وراح نفتك من شي اسمه ايدي عامله وافده Suspect

وتخيل الديره من غير وافدين ( يكفي ان مافي ازدحام )

وبعدين بنفس الوقت نفتك من ان يكون عليك مسؤول مصري ولا هندي يقعد يتمرظرط على راسك

والله عيب اخلي مصري ووافد عندي بالكويت يهزأ فيني جدام الكل انا اقول نشد الحيل وشوفرا القطاع

الخاص تراه جيد

( رد من مجرب ) Razz

اطلع وارد لك بعدين يوسف علشان ارد على كلامك بأن الحكومي ينسيك كل الي درسته confused

ناطرك على ما ترك يا بو علوة

على ما ترك هههههههههههههههههههههههههههههههههههههههههههههههه

بعرضي حلوه ولا ان مافي عرض بس شنسوي بعد هذا حظنا

المهم انت على قولتك القطاع الحكومي ما يخليك تستفيد من دراستك عيل شلون الي بالتربيه يطبقون دراستهم

والصحة شلون بعد والاشغال والخ

الأشغال مو كلهم يستفيدون وسأل فيصل

من جم يوم كنت كاتبتلك رد ياعلي بس كل ما أدزه ينمسح ما أدري ليش

جوف آنه ما قلت إن كل القطاع الخاص مو زين وبعدين حبيت أوضح إن المراه ما راح تقدر على الخاص خصوصا إذا كان دوام شفتات مثل ما كان دوامي بالمركز لأن إسبوعي كان مخربط و حتى بالعيد ما زرت ولا طلعت ويا ريلي وبنتي لأني كنت مداومة

هذا و آنة موظفة بدوام جزئي عيل لو كنت دوام كامل جان صار نظام دوامي بالأسبوع يومين شفت صبح ويومين شفت عصر ويومين شفت الصبح و العصر ويوم واحد بس أوف و بالنهاية المعاش 700

بس ألحين صج إني موظفة بقطاع حكومي بس هم كراف والدوام من الساعة 7 ونص لي الساعة 2 و ثلث يعني طويل و بعيد بالمرقاب و حدة زحمة بس على الأقل لمن أرجع البيت أنسى شي إسمة دوام ويكون يومي كله لي و هم المعاش أحسن من المركز

آنه أقول إن الخاص حق الرياييل مو حق الحريم و لا شرايك

عدنا والعود احمد محمد محمود ممدوح

بالنسبه لك يوسف كلامك عدل الاشغال مو كلهم يستفيدون بس دايما خل نفهم من الكلام ان ما يكون شامل
بس لو تلاحظ النسبه الغالبة يعني اغلب القطاعات الحكومية تتوظف على تخصصك

والأراء كثيره

عدل كلامج ام ايوب بالنسبه حق الحريم القطاع الخاص ما ينفع بعدين تكفة فهموني لما نتكلم هني ما نشمل الكل

دايما نقول نسبه معينه او جزء معين لا اكثر ولا اقل Sad

وشكرا على التواصل